हातमजुरी करणाऱ्याच्या अल्पवयीन मुलीस एकाने फूस लावून पळवले
अमळनेर (प्रतिनिधी) हात मजुरी करणाऱ्या कुटुंबातील अल्पवयीन मुलीला फूस लावून पळवून नेल्याची घटना शहरातील गलवाडे रस्त्यावरील दाजीबा नगरपरिसरात घडली. याप्रकरणी अमळनेर पोलिसात गुन्हा दाखल करण्यात आला आहे. 
याबाबत पोलिसांनी दिलेली अधिक माहिती अशी की, दाजीबा नगर परिसरात राहणाऱ्या मकासिंग बालेरा हा आपल्या कुटूंबासह हातमजुरी करून उदरनिर्वाह करतो. दि.९ रोजी दुपारी बारा वाजेच्या सुमारास त्याची बायको घरी गेली असता तिला तिची मुलगी दितली पावरा ( वय १६ वर्ष ८ महिने ) घरात दिसली नाही. तिचा आजूबाजूला शोध घेतला असता ती मिळून आली नाही. मकासिंग बारेला याने दिलेल्या फिर्यादीवरून अमळनेर पोलिसांत अज्ञात व्यक्तिविरुद्ध गुन्हा दाखल करण्यात आला असून पुढील तपास पोलीस हेड कॉन्स्टेबल विनोद सोनवणे करीत आहेत.