संभाजी ब्रिगेड, राजमुद्रा फाउंडेशन आणि नगरसेवक शाम पाटील यांच्या सहकार्याने राबवला उपक्रम
अमळनेर(प्रतिनिधी) प्रतिपंढरपूर असलेल्या अमळनेरातील संत सखाराम महाराजांच्या वाडी संस्थान येथील विठुरायाच्या दर्शनासाठी येणार्या वारकऱ्यांना।संभाजी ब्रिगेड – राजमुद्रा फाउंडेशन व नगरसेवक शाम पाटील यांच्या सहकार्याने शहरातील भक्तीशक्ती शिल्प येथे फराळाचे वाटप करण्यात आले.
प्रतिपंढरपूर असलेल्या अमळनेरातील संत सखाराम महाराजांच्या वाडी संस्थान येथील विठुरायाच्या दर्शनासाठी तालुक्यातील मांडळ, वालखेडा, ढेकू, आर्डी, शिरसाळे , तरवाडे या गावांवरून पायी दिंडीने वारकरी येत असतात. त्यांच्यासाठी राजमुद्रा फाउंडेशनचे अध्यक्ष शाम पाटील यांनी फराळाची व्यवस्था केलेली होती. यात प्रत्येक वारकरी मंडळीला उपवास चिवडा , राजगिरा लाडू,पाण्याची बॉटल आणि केळी देण्यात आली. यावेळी वारकऱ्यांनी छत्रपती शिवाजी महाराज व संत तुकाराम महाराजांच्या भक्ती शक्ती शिल्पाचे दर्शन घेतले. यावेळी नगरसेवक शाम पाटील तसेच राजमुद्रा फाउंडेशनचे अक्षय चव्हाण , किरण सूर्यवंशी , निनाद शिसोदे , दर्पण वाघ , मयूर पाटील , विशाल पाटील , उज्वल मोरे , तेजस पवार , राहुल पाटील , किशोर पाटील , गौरव पवार , तुषार वायकर , निखिल सूर्यवंशी , भूषण भदाणे , खिलेश पवार , पिंटू जैन व इतर सदस्य उपस्थित होते.