अमळनेर (प्रतिनिधी) तालुक्यातील ढेकू खुर्द येथे २१ रोजी रात्री ९ वाजता कारण नसताना शिवीगाळ का करतो असे विचारल्याचा राग आल्याने एकाने डोक्यात दगड मारून डोके फोडल्याची घटना घडली. याप्रकरणी गुन्हा दाखल करण्यात आला आहे.
याबाबत पोलिसांनी दिलेली माहिती अशी की, अमृत शिवाजी मैराळे हे हिरालाल पुंडलिक मैराळे यांच्या घराजवळून जात असताना काहीही कारण नसताना त्याने दारूच्या नशेत शिविगाळ करणे सुरू केले. शिवीगाळ का करतो असे अमृत ने विचारले असता हिरालाल ने अंगणातील दगड उचलून अमृतच्या डोक्यात मारून रक्तबंबाळ केले अमृतच्या फिर्यादीवरून पोलीस स्टेशनला हिरालाल विरुद्ध गुन्हा दाखल करण्यात आला आहे.
