अमळनेर (प्रतिनिधी) -खा.शि.मंडळाच्या द्रो.रा.कन्या शाळेत सुप्रसिद्ध हृदयरोग तज्ज्ञ डॉ.अविनाश जोशी व डॉ.संदीप जोशी या दोघा डॉक्टरांच्या संयुक्त विद्यमाने शाळेतील गरीब व होतकरू विद्यार्थिनींना शालेय गणवेश व वह्यांचे वाटप करण्यात आले. या कार्यक्रमास प्रमुख पाहुणे म्हणून डॉ.अविनाश जोशी व डॉ.मयुरी संदीप जोशी उपस्थित होते. डॉ.जोशी यांनी विद्यार्थिनींना प्रेरणादायी असे मनोगत व्यक्त केले. प्रमुख पाहुण्यांचा परिचय शाळेचे उपमुख्याध्यापक डी.एच.ठाकूर यांनी केला. या कार्यक्रमाच्या अध्यक्षस्थानी शाळेच्या मुख्याध्यापिका जे.के.सोनवणे होत्या. पी.डी.शेवाळे यांनी सूत्रसंचलन केले. आर. एस.सोनवणे यांनी आभार मानले.
या कार्यक्रमाप्रसंगी शाळेचे ज्येष्ठ शिक्षक आर.जी.जाधव, विनोद कदम, लता पाटील, एम.एस.महालपुरे, सचिन अहिरे, राहुल पाटील उपस्थित होते. तसेच कार्यक्रमाच्या यशस्वितेसाठी शिक्षकेतर कर्मचाऱ्यांनी परिश्रम घेतले.