अमळनेर (प्रतिनिधी) येथील भिकेश भाऊ युवा मंचतर्फे रविवार दिनांक ४ ऑगस्ट रोजी ‘एक शाम किशोर कुमार और मोहम्मद रफी के नाम’ हा खास गाण्यांचा कार्यक्रम अमळनेरकरांसाठी आयोजित करण्यात आला आहे. या कार्यक्रमातून अमळनेकर दर्दी रसिकांना किशोर कुमार आणि मोहम्मंद रफी यांची एक से बढकर एक अशा सुरेल गाण्यांच्या मेजवानीचा आनंद घेता येणार आहे. हा कार्यक्रम छत्रपती शिवाजी महाराज नाट्यगृहात सायंकाळी ५.३० वाजता सुरू होणार आहे. कार्यक्रमाचे आयोजन पंचायत समितीचे सदस्य भिकेश पावभा पाटील यांनी केले आहे. तर नगराध्यक्षा पुष्पलता साहेबराव पाटील आणि नगरसेवकांचे विशेष सहकार्य लाभले आहे. या कार्यक्रमात अमळनेरचे गायक शारूख सिंगर, अभिजित मगरे, अपेक्षा पवार आणि प्रा.राजू शेख हे आपल्या सुमधूर आणि सुरेल आवाजांनी किशोर कुमार आणि मोहम्मंद रफी यांची दर्दभरी आणि नजाकत भरी गीतांनी मैफलीत रंग भरणार आहेत.
