अमळनेर (प्रतिनिधी) अमळनेर येथे संत सखाराम महाराज शताब्दी महोत्सव सोहळ्यात धार्मिक शुभारंभ सकाळी सात वाजता झाला उद्धव महाराज कुकरमुंडेकर यांच्या हस्ते कलश पूजन करून करण्यात आला मोहन महाराज बेलापूरकर यांच्या हस्ते भजन आरंभ करून तर ह भ प रामचंद्र यादव महाराज कोल्हापूरकर यांच्या हस्ते साहित्य पूजन करून शुभारंभ झाला भजन आरंभ झाल्याने झाल्यानंतर लोहोणेकर महाराज यांच्या हस्ते ग्रंथपूजन करण्यात आले.
अशा रीतीने सर्व कार्यक्रमांचा शुभारंभ झाला दादा महाराज शिरवळकर यांच्या नेतृत्वाखाली संत तुकाराम महाराज यांच्या गाथा पारायण यांचे शुभारंभ करण्यात आला तर श्री आरगडे महाराज व इंदुरकर महाराजांच्या सहकाराने या पारायणास सुमारे अडीच हजार लोकांनी सहभाग घेतला. दुपारी प्रथम सत्रात विवेकजी गोडबोले यांचे तर दुसऱ्या सत्रात पंढरपूर येथील शंकर महाराज बडवे यांचे प्रवचन संपन्न झाले रात्री संत नामदेव महाराजांचे वंशज संत ज्ञानेश्वर महाराज नामदास यांच्या सुश्राव्य कीर्तनाचा लाभ भाविक घेत आहेत.
तर समाजिक उपक्रमात सकाळी अपर्ण रक्तपेढी धुळे यांच्या साहाय्याने रक्तदान शिबीर सुरू होते त्यात शंभरावर अधिक बाटल्या रक्त संकलित झाले तसेच ३०० च्या वर नागरिकांची मधुमेह तपासणी करण्यात आली. कांताई नेत्रालय जळगाव यांच्या सहकार्याने २०० हुन अधिक लोकांची नेत्रतपासणी करण्यात आली. मोतीबिंदू असलेल्या २५ नागरिकांची मोतीबिंदू शस्त्रक्रिया मोफत करण्यात आली. दिव्यांग व्यक्तींना १० अंधकाठ्या १० आधारकाठ्या १० वॊकर, ७ कमोड खुर्च्या, ५ व्हीलचेअर यांचे वितरण करण्यात आले.
सकाळी ८ वाजता १०८ कुंडी विष्णू पंचायतन महायज्ञ सुरुवात होणार आहे असून यात ४३२ जण महायज्ञ कार्यक्रमात सहभागी होणार आहेत यासाठी नाशिकचे खास गुरुजी हेमंत धर्माधिकारी हे उपस्थित राहणार आहेत यावेळी चार वेदशात्री चारही वेदांचे पठण करणार आहेत त्याचबरोबर भजन गाथा पारायण सुरू राहील यासह रक्तपेढी तर्फे जास्तीत जास्त रक्तदान करून बाटल्या रक्त संकलित करण्यात येईल तसेच नागरिकांची मधुमेह तपासणी करण्यात सलग रोज करण्यात येणार आहे.अधिक लोकांची नेत्रतपासणी देखील दररोज करण्यात येणार आहे यासह मोतीबिंदू असलेल्या नागरिकांची मोतीबिंदू शस्त्रक्रिया मोफत करण्यात येईल दिव्यांग व्यक्तींना अंधकाठ्या आधारकाठ्या वॊकर, कमोड खुर्च्या, व्हीलचेअर यांचे वितरण रोज करण्यात येणार आहे.
