अमळनेर (प्रतिनिधी) जायन्ट्स ग्रुप अमळनेरच्या माध्यमातून आषाढी एकादशीचे औचित्य साधून तालुक्यातील अल्पभूधारक तसेच कोरडवाहू शेती,व निर्व्यसनी शेतकरी अशा १० होतकरू शेतकऱ्यांची निवड करून त्यांना फवारणी पंपचे वाटप करण्यात आले.
आषाढी एकादशीला संपूर्ण वारकरी समुदाय, शेतकरी, कष्टकरी, पंढरीच्या विठोबाच्या चरणी लीन होतात. आषाढीची वारी प्रत्येकालाच करणे शक्य होतेच असं नाही. म्हणून धडपडणाऱ्या जायन्ट्स ग्रुपच्या सदस्यांनी आपल्या सेवेतच बळीराजाच्या रूपात”विठ्ठल माऊली”आहे हे मानून गरीब, होतकरू, अल्पभूधारक, निर्व्यसनी शेतकऱ्यांची निवड करून त्यांना फवारणीचे पंप वाटप केले. जायंट्स ग्रूपचे प्रोजेक्ट चेअरमन रविंद्र घनश्याम पाटील व संस्थापक जायंट्स अध्यक्ष सुनील पाटील यांनी शेतकरी बांधवांची निवड केली होती. याप्रसंगी कार्यक्रमाच्या अध्यक्षस्थानी सेवा निवृत्त प्रा. यु. जी. देशपांडे होते. प्रमुख पाहुणे म्हणून प्रा. पी. आर भावसार, कर्जत तालुक्याचे बी.डी.ओ (जि. रायगड ) तथा जायन्ट्स ग्रुप अमळनेरचे सदस्य सुशांत पाटील व जायन्ट्स ग्रुप अध्यक्ष डॉ. सुनील पाटील हे मंचावर उपस्थित होते. जायन्ट्स ग्रुप साठी बाहेरून कुठलाही आर्थिक निधी अथवा फंड मिळत नाही,पण आपणही समाजाचे काहीतरी देणे लागतोच या उदात्त हेतूने प्रत्येक कार्य असो वा सेवा सर्व सदस्य मिळून स्वखर्चाने करत असतात. यावेळी वारकरी संप्रदायाची परंपरा जोपासत जमलेल्या सर्व शेतकरी बांधवांना उपवासाचा फराळ देण्यात आला. सूत्रसंचलन संदीप महाजन यांनी केले. या कार्यक्रमाच्या यशस्वितेसाठी उपाध्यक्ष राजेंद्र भावसार, उपाध्यक्ष डॉ. महेश पाटील, सचिव संदीप महाजन, खजिनदार राजेंद्र पाटील, अॅड. राजेंद्र चौधरी, महेश पाटील, रमेश महाजन, डॉ. निलेश शिंगाणे, रवींद्र पाटील, भटू पाटील, संतोष वाघ, प्रदीप शिंगाणे, संजय मुंडके, अश्विन पाटील, चंदुलाल बडगुजर, प्रो. ए. एम. करमपूरवाला, प्रशांत भटू पाटील आदी जायन्ट्स ग्रुप सदस्य उपस्थित होते.
यांना केले फवारणी पंप वाटप
फवारणी पंप वाटप दिलीप रावण पाटील (ढेकू सिम), प्रकाश मोहन संदानशिव (पातोंडा ), पंडित रामराव पाटील ( सोनखेडी), भागवत युवराज पाटील (रामेश्वर), मुन्ना सर्जेराव पाटील (अमळनेर), विश्वास भटा पाटील (गलवाडे), दिपक शांताराम पाटील (ढेकू सिम), भरत हिलाल पाटील (कन्हेरे ), देवराम यशवंत चौधरी ( जळोद), भगवान पांडुरंग सोनवणे (फाफोरे) या शेतकऱ्यांना करण्यात आले. 