अमळनेर (प्रतिनिधी) येथील धनदाईमाता एज्युकेशन सोसायटीचे अध्यक्ष डी. डी पाटील यांची राष्ट्रीय मजदूर काँग्रेस ( इंटक), संघटनेच्या जळगाव जिल्हाध्यक्षपदी नियुक्ती करण्यात आली. त्यांच्या निवडीचे स्वागत केले जात आहे.
राष्ट्रीय मजदूर काँग्रेस (इंटक ) या संघटनेचे राष्ट्रीय अध्यक्ष खासदार डॉ. जी संजीवा रेड्डी यांच्या मान्यतेने पक्ष संघटनेतील उल्लेखनीय कार्य पाहता व कार्यक्षेत्रात संघटित व असंघटित क्षेत्रातील कामगारांच्या न्याय हक्कासाठी व संघटना वाढीसाठी डी. डी. पाटील यांची नियुक्ती करण्यात आली. यापूर्वी त्यांनी ओबीसी सेल जिल्हाध्यक्ष, अखिल भारतीय बिल्डिंग कंट्रक्शन फॉरेस्ट व वूड वर्कर्स असोसिएशन महाराष्ट्र उपाध्यक्ष: महाराष्ट्र राज्य एस.टी कामगार काँग्रेस अध्यक्ष, राष्ट्रवादी काँग्रेस जिल्हा संघटक, जळगाव, अशी विविध पदे भूषविलेली आहेत.त्यांची नियुक्ती झाल्याने काँग्रेसच्या सर्व सेलने त्यांचे स्वागत केले आहे. तसेच धनदाई कला व विज्ञान महाविद्यालय, जय योगेश्वर माध्यमिक व उच्च माध्यमिक विद्यालय, शांती निकेतन प्राथमिक विद्यामंदिर, आयटीआय व संस्थेच्या विविध युनिट मधील प्राचार्य/ मुख्याध्यापक शिक्षक व शिक्षकेतर कर्मचारी यांनीही स्वागत केले आहे.