अमळनेर (प्रतिनिधी) अमळनेर नगर परिषदेतर्फे मतदान जनजागृती रॅली काढण्यात आली. यास उत्स्फूर्त प्रतिसाद मिळाला.मतदार जनजागृती रॅलीस मोठा प्रतिसाद मिळाला. रॅलीचे नियोजन अमळनेर पालिकेचे मुख्याधिकारी तुषार नेरकर यांच्या नेतृत्वाखाली व त्यांच्या मार्गदर्शनाने करण्यात आले होते. नगरपरिषद ते तर डॉ. बाबासाहेब आंबेडकर यांच्या पुतळ्यापर्यंत ही रॅली काढण्यात आली. या मतदान जन जागृतीरॅलीत ज्यांनी खऱ्या अर्थाने मतदानाचा हक्क मिळवून दिला. त्या डॉ. बाबासाहेब आंबेडकर यांना मुख्याधिकारी  तुषार नेरकर यांनी संविधान पुस्तकास हार टाकून मतदान निर्भयापणे व मोठ्या संख्येने करण्याचे आवाहन केले. सदरच्या रॅलीमध्ये मतदारांना मतदान करणे कामी अतिशय चांगल्या घोषणा देण्यात आलेल्या होत्या.

या मतदार जनजागृती रॅलीत अमळनेर शहरातील इंग्लिश मीडियम सीबीएससी पॅटर्नचे विद्यार्थ्यांनी उत्कृष्टपणे पथनाट्य सादर करून उपस्थित सर्व प्रेक्षकांची व नागरिकांची मने जिंकली. रॅलीच्या समारोप राष्ट्रगीताने झाला. रॅलीमध्ये उप मुख्याधिकारी रवींद्र चव्हाण, बांधकाम अभियंते सुनील पाटील, डिगंबर वाघ, विवेकानंद इंटरनॅशनल स्कुलचे मुख्याध्यापक विनोद अमृतकर, पाटील, फायर अधिकारी गोसावी, आरोग्य निरीक्षक संतोष बिऱ्हाडे, किरण कंडारे, स्कूल बोर्डाचे अधीक्षक सुनील पाटील, सोमचंद संदानशिव, आरोग्य विभागाचे सर्व मुकादम तसेच अग्निशमन विभागाचे कर्मचारी मोठ्या संख्येने उपस्थित होते.