अमळनेर (प्रतिनिधी) अमळनेर ढेकू रोड येथे शिवजन्मोत्सव सोहळ्यानिमित्त १६ ते १९ फेब्रुवारीपर्यंत सलग चार दिवस विविध सामाजिक उपक्रमांचे आयोजन करण्यात आले असल्याची माहिती शिवजन्मोत्सव समितीचे आयोजक राजमुद्रा फाऊंडेशन चे अध्यक्ष श्याम पाटील (नगरसेवक) यांनी दिली.

शिवजन्मोत्सवानिमित्त विविध स्पर्धेचे आयोजन करण्यात आले असून सलग चार दिवस १६ फेब्रुवारी २०१९, शनिवारी बॉक्स क्रिकेट स्पर्धा दुपारी ४ ते रात्री ११ वाजेपर्यंत प्रगती टर्फ, गलवाडे रोड, अमळनेर येथे तर १७ फेब्रुवारी २०१९,रविवार विद्यार्थ्यांसाठी चित्रकला स्पर्धा दुपारी ३ ते रात्री ६ वाजे पर्यंत फोर्ट पार्टी लॉन्स्, ढेकू रोड अमळनेर येथे व १८ फेब्रुवारी २०१९, सोमवारी महिलांसाठी रांगोळी स्पर्धा दुपारी २ ते सायंकाळी ५ वाजेपर्यंत छत्रपती शिवाजी महाराज नाटयगृह अमळनेर, येथे तसेच दुसऱ्या दिवशी १९ फेब्रुवारी २०१९, मंगळवारी “शिवरायांची भव्य मिरवणूक” दुपारी ४ वाजेपासून न्यु पटवारी कॉलनी, ढेकू रोड ते बळीराजा स्मारक पर्यंत सायंकाळी शिवसंस्कृती ढोल पथक मिरवणूक,काढण्यात येणार आहे.
“विशेष आकर्षण”
विजयनाना पाटील आर्मी स्कूलच्या विद्यालयाचे पथसंचलन , वृक्षवल्ली महिला लेझिम पथक यांची थरारक प्रात्यक्षिके ,राजमुद्रा डोल पथक असे विविध नृत्य होणार आहे.
बळी राजा स्मारकाजवळ उपस्थित मान्यवरांच्या हस्ते शिवपूजन होईल याप्रसंगी शिवजन्मोत्सवानिमित्त आयोजित कार्यक्रमास शिवप्रेमींनी,अबालवृद्धांसह मोठ्या बहुसंख्येने उपस्थित रहावे, असे आवाहन शिवजन्मोत्सव समिती व राजमुद्रा फाऊंडेशन चे अध्यक्ष श्याम पाटील(नगरसेवक)सह आदी पदाधिकाऱ्यांनी केले आहे.
स्पर्धेसाठी संपर्क
अक्षय चव्हाण – ७०२०३९१४८८, योगेश पाटील – ७३८५५७१५३१, कुणाल पाटील – ७०२०२४४३६४