अमळनेर (प्रतिनिधी)  महाविकास आघाडीचे तथा काँग्रेसचे अधिकृत उमेदवार डॉ. अनिल शिंदे यांच्या प्रचाराचा ग्रामीण भागामध्ये वेग वाढला आहे. नागरिकांकडून त्यांना उत्स्फूर्त प्रतिसाद मिळत आहे. तर महिला डॉ. शिंदे यांना औक्षण करत विजयाच्या शुभेच्छा देत आहेत.

महाविकास आघाडीचे उमेदवार डॉ. अनिल नथ्थु शिंदे यांच्या आज सकाळी प्रचारार्थ वाघोदा, निसर्डी, खडके, रणाईचे बु, रणाईचे खु., रणाईचे तांडा, अंचलवाडी, लोंढवे, या गावात दौऱ्यामध्ये ग्रामस्थांशी संवाद साधत शेतकऱ्यांच्या समस्यांवर चर्चा केली गावकऱ्यांचे उत्तम प्रतिसाद मिळत आहे. या प्रचार दौऱ्यादरम्यान डॉ. अनिल शिंदे यांचे जोरदार स्वागत करण्यात येऊन घरोघरी माता भगिनींनी औक्षण करत विजयाचा आशीर्वाद दिला. यावेळी महाविकास आघाडीचे सर्व नेते, पदाधिकारी, मान्यवर, शहरी व ग्रामीण भागातील कार्यकर्ते उपस्थित होते.