अमळनेर (प्रतिनिधी) अमळनेर शहरात दारूच्या नशेत दोघांना मारहाण करून एकाच्या खिशातून 2 हजार रुपये व 15 ग्राम सोन्याची साखळी काढून नेल्याप्रकरणी चौघांवर जबरी लूट केल्याचा गुन्हा दाखल करण्यात आला आहे
भोईवाडा भागातील विशाल दशरथ चौधरी यांनी पोलिसात फिर्याद दिली की विनोद रामचंद्र लांबोळे , राहुल लांबोळे , निलेश भोई , राजेंद्र प्रकाश महाजन यांच्यासह इतर 2 ते 3 जणांनी 13 रोजी पहाटे पाचपावली मंदिर चौकात गर्दी करून विशाल चौधरी याना मारहाण करणे सुरू केले त्यांनी ताबडतोब मंगेश महाजन व मनोज शिंगाणे याना बोलावले असता विनोद लांबोळे व राजेंद्र महाजन यांनी मनोज शिंगाणे व विशाल यास लोखंडी फायटर ने मारहाण केली आणि खिशातील 2 हजार रुपये रोख व 40 हजार रुपये किमतीची 15 ग्राम सोन्याची साखळी काढून घेऊन पळून गेले अमळनेर पोलिसात चौघांविरुद्ध भादवी 392 , 143 , 147 , 148 , 149 , 504 , 506 , 510 प्रमाणे जबरी लूट व दंगलीचा गुन्हा नोंदविण्यात आला आहे तपास सहाययक पोलीस निरीक्षक प्रकाश सदगीर करीत आहेत.