मुख्याधिकाऱ्यांना अमळनेर येथील संत सेवालाल जयंती उत्सव समितीतर्फे निवेदन

अमळनेर (प्रतिनिधी) चौकास श्री. संत सेवालाल महाराज यांचे नाव देण्यासह त्यांची प्रतिमा लावण्यासाठी नगरपालिकेच्या मुख्याधिकाऱ्यांना अमळनेर येथील संत सेवालाल जयंती उत्सव समितीतर्फे निवेदन देण्यात आले.

 बंजारा समाजाचे आराध्य दैवत श्री. संत सेवालाल महाराज यांची जयंती १५ फेब्रुवारीला राज्यभर मोठ्या उत्साहात साजरी करण्यात येते. त्याचप्रमाणे शहरात व तालुक्यात मोठ्या प्रमाणावर बंजारा समाजाचे लोक राहतात. ते सालाबादप्रमाणे शहरात जयंती साजरी करतात. शहरात श्री.संत सेवालाल महाराज नावाने चौकास नामकरण नसल्यामुळे जयंती उत्सवाची मिरवणुक  अडचण होते. शहराच्या कोणत्या भागातून सुरुवात करावी असा प्रश्न निर्माण होतो.  शहरातील सेंट्रल बँके, व बी एस एन एल कार्यालय चौक यांना कोणतेही नाव नसल्याने परिषदेने एका चौकाला श्री.संत सेवालाल महाराज चौकशी नामकरणसह प्रतिमा लावावी. अशी विनंती करणारे निवेदन उत्सव समितीअध्यक्ष किरण जाधव, उपाध्यक्षएकनाथ जाधव, कार्याध्यक्ष  अनिल जाधव, चंदुलाल जाधव, रणजीत राठोड, राहुल चव्हाण, संजय राठोड, किशोर पवार इत्यादी पदाधिकारी यांनी दिले.