अमळनेर (प्रतिनिधी) तालुक्यातील अंचलवाडी शिवारात धुळे तालुक्यातील मोहाडी येथील एकाने गळफास घेऊन आत्महत्या केल्याची घटना १६ रोजी सायंकाळी ६ वाजेच्या सुमारास घडली. याप्रकरणी अकस्मात मृत्यूची नोंद करण्यात आली आहे.
याबाबत पोलिसांनी दिलेली माहिती अशी की, धुळे तालुक्यातील मोहाडी येथील अशोक सरदार मरसाळे (वय ५८) याने अंचलवाडी शिवारातील नाना धनगर यांच्या शेतातील झाडाला गळफास घेऊन आत्महत्या केल्याची घटना १६ रोजी सायंकाळी ६ वाजेच्या सुमारास घडली. महेश चौधरी याने दिलेल्या माहितीवरून अमळनेर पोलीस स्टेशनला अकस्मात मृत्यूची नोंद करण्यात आली असून तपास हेडकॉन्स्टेबल हितेश चिंचोरे करीत आहेत.
