अमळनेर समता परिषदेतर्फे सावित्रीबाई फुलांना अभिवादन

अमळनेर (प्रतिनिधी) येथील अखिल भारतीय महात्मा फुले समता परिषदेतर्फे थोर समाजसुधारक क्रांतिज्योती सावित्रीमाई फुले यांना साईबाबा सार्वजनिक वाचनालयात अभिवादन करण्यात आले.

यावेळी प्रताप महाविद्यालयाचे माजी उपप्राचार्य प्रा. एस. ओ. माळी व माजी उपनगराध्यक्ष सुधाकर महाजन यांच्या हस्ते प्रतिमेचे पूजन करुन पुष्पहार अर्पण करण्यात आला. समता परिषदेचे तालुकाध्यक्ष अमोल माळी, भा.ज.यु.मो चे तालुका उपाध्यक्ष राहुल पाटील, सामाजिक कार्यकर्ते समाधान पाटील, महेंद्र महाजन, विमलबाई कोळी, ग्रंथपाल संगीता पाटील, शोभाबाई पाटील, रामचंद्र खेमोत, अमरखा पठाण, हरी पाटील, छोटू मिस्तरी, भिका ठाकूर, मनोहर मराठे, नारायण खेमोत आदी उपस्थित होते.