अमळनेर (प्रतिनिधी) चोरट्यांनी शहासह तालुक्यातील चांदणी कुऱ्हे येथून दोन मोटारसायकली लंपास करून रफूचक्कर झाल्याची घटना घडली. याप्रकरणी चोरीचा गुन्हा दाखल करण्यात आला आहे.
अमळनेर शहरातील पिंपळे रोडवरील देशमुखनगर मधील भुवन्यू चंद्रशेखर पाटील यांची ३० हजार रुपये किमतीची मोटरसायकल (क्रमांक एम. एच. १९ ए. टी. २०५) ही २५ रोजी ११ वाजेनंतर चोरट्याने चोरून नेली. अमळनेर पोलिसात गुन्हा दाखल असून तपास शरीफ पठाण करीत आहेत. तर चांदणी कुऱ्हे येथून संजय कौतिक पाटील यांची १५ हजार रुपये किमतीची मोटरसायकल (क्रमांक एम.एच. १९ बी.एल. १७४८) चोरट्याने त्यांच्या घरसमोरून २६ रोजी रात्री १० वाजेनंतर चोरून नेली आहे. तपास हेडकॉन्स्टेबल भरत ईशी करीत आहेत.
