अमळनेर (प्रतिनिधी)भर दुपारी दुचाकी चोरी झाल्याची घटना शहरातील सुभाष चौक परिसरातील सोमेश्वर शॉपिंग कॉम्प्लेक्स मध्ये २१ रोजी घडली.
पोलिसांनी दिलेली माहिती अशी की, अमळनेर शहरातील सुभाष चौक परिसरातील सोमेश्वर शॉपिंग कॉम्प्लेक्स मध्ये २१ रोजी दुपारी अडीच वाजेच्या सुमारास भारतकुमार मोटूमल पंजाबी यांची ४५ हजार रुपये किमतीची मोटरसायकल (क्रमांक एम एच १९ बी एस ९५९९) अज्ञात चोरट्याने चोरून नेली. अमळनेर पोलीस स्टेशनला चोरीचा गुन्हा नोंद झाला असून तपास हेडकॉन्स्टेबल बापू साळुंखे करीत आहेत.
