अमळनेर (प्रतिनिधी) अमळनेर तालुक्यातील कोरोनाच आलेख घसरत असला तरी काही ठिकाणी अजूनही रुग्ण आढळून येत आहे. बुधवारी आलेल्या अहवालातही ४ रुग्ण पॉझिटिव्ह आले आहे. त्यामुळे दिवाळीच्या सणात नागरिकांनी काळजी घ्यावी, असे आवाहन आरोग्य विभागातर्फे करण्यात आले आहे.
अमळनेर तालुक्यात कोरोनाने संसर्गाने दिलासा दिला होता. गेल्या आठवड्यात सलग चार ते पाच दिवस एकही कोरोना रुग्ण आढळून आला नाही. त्यानंतर आता दिवाळी संपल्याने काही रुग्ण आढळून येण्यास सुरुवात झाली आहे. त्यामुळे नागरिकांना दिवाळीचा सण असला तरी खरेदी करताना गर्दी करू नये असे आवाहन आरोग्य विभागाने केले आहे. तर बुधवारी आलेल्या अहवालात १ नवीन रुग्ण आहे
तर ग्रामीण भागातील एक रुग्णाचा समावेश आहे. तसेच ३ रुग्ण पॉझिटिव्ह रुग्णांच्या संपर्कात आलेले आहेत.  तर एकूण रुग्ण संख्या ही ४४६३ ऐवढी झाली आहे. मंगळवारी एकाही रुग्णाने  कोरोनावर मात केली नाही. तर आतापर्यंत ४३४० रुग्ण बरे होऊन घरी परतले आहे. तसेच कोरोनाने आतापर्यंत १०३ जणांचा बळी घेतला आहे.