अमळनेर (प्रतिनिधी) जळगाव येथील रोटरी क्लबतर्फे लोकमान्य विद्यालयातील उपक्रमशील शिक्षक भूषण सुरेश महाले यांना ‘नेशन बिल्डर अवार्ड’ देऊन सन्मानित करण्यात आले.
रोटरी क्लबतर्फे दरवर्षी ५ सप्टेंबर शिक्षक दिनानिमित्त ‘नेशन बिल्डर अवार्ड’ दिला जातो. यावर्षी कोरोनाच्या संकटामुळे हा पुरस्कार दि.८ नोव्हेंबर २०२० रोजी वितरण करण्यात आले. शाळेत विद्यार्थ्यांसाठी नावीन्यपूर्ण उपक्रम  राबवणाऱ्या तसेच समाज हिताचे कार्य करणार्‍या शिक्षकांना या पुरस्काराने सन्मानित करण्यात येते. यावेळी कार्यक्रमाचे अध्यक्ष जितेंद्र ढाके, सेक्रेटरी काजल फिरके, प्रमुख अतिथी तूषार फिरके, सुरेश अत्तरदे, कॅप्टन मोहन कुलकर्णी, सी.डी.पाटील, स्वाती ढाके आदी मान्यवर व्यासपीठावर उपस्थित होते.

यांनाही करण्यात आले पुरस्काराने सन्मानित

यावेळी तंत्रस्नेही टीम जळगावचे संभाजी हावडे, सुनिल बडगुजर, संदिप सोनार, राहुल चौधरी, मनोहर तेजवाणी, भूषण महाले, अश्विनी कोळी यांना नेशन बिल्डर पुरस्काराने सन्मानित करण्यात आले.