अमळनेर (प्रतिनिधी) विजेच्या तारांचा शार्टसर्किट होऊन पडलेल्या ठिकणगीत ज्वाराच्या कणसांच्या ढिगाऱ्याला आग लागून शेतकऱ्याचे नुकसान झाल्याची घटना सोमवारी २ नोव्हेंबर रोजी सायंकाळी तालुक्यातील कळमसरे येथे घडली. विजेच्या तारांचे शॉर्टसर्किट झाल्याने आग लागली. यात अडीच बिघे शेतातील ज्वारीची कणसाची डोळ्यासमोर राख झाल्याने शेतकरी बडगुजर यांनी नुकसान भरपाईची मागणी केली आहे.
कळमसरे येथील शेतकरी शशिकांत बडगुजर यांनी शेतशिवारातील गट नंबर ४५० मधील सुमारे अडीच बिघे शेती क्षेत्रात ज्वारीची पेरणी केलेली होती. त्यांनी पीक कापणीवर आल्याने ज्वारीच्या कणसांचा ढिगारा शेतात एका ठिकाणी जमा करून ठेवला होता. सायंकाळी शेतातून गेलेला विजेच्या लोंबकळणाऱ्या तारांचे अचानक शॉर्टसर्किट झाल्याने ज्वारीच्या कणसांना आग लागून नुकसान झाले.