नाशिक येथे झालेल्या कार्यक्रमात क्रीडा साधना व दुधारे फाऊंडेशनतर्फे पुरस्कार प्रदान

अमळनेर (प्रतिनिधी)  नाशिक येथे झालेल्या क्रीडा साधना व दुधारे फाऊंडेशनतर्फे उत्तर महाराष्ट्र क्रीडा रत्न पुरस्कार डी. डी. राजपूत, संजय के पाटील, के. यु.बागुल या तिन्ही क्रीडा शिक्षकांना प्रदान करण्यात आला. आॕल्मपिक वीर कै. खाशाबा जाधव यांचे सुपुञ रणजीत खाशाबा जाधव यांच्या शुभ हस्ते पुरस्कार देऊन त्यांचा गौरव करण्यात आला.
शासनाच्या चला खेळूया ,फिट इंडिया  , सीएम चषक , शालेय क्रीडा स्पर्धा , संत सखाराम महाराज द्वि शताब्दी महोत्सव निमित्त स्पर्धा असो, आमदारचषक विभागीय कबड्डी स्पर्धा असो  की  विविध संस्था, राजकीय व्यक्तींकडून आयोजित मॅरेथॉन स्पर्धा असो अमळनेर तालुका क्रीडा समितीचे तालुका समन्वयक सुनील वाघ , सचिव डी. डी. राजपूत , महेश माळी , संजय पाटील , निलेश विसपुते , के. यु .बागुल , संजय बोरसे , बाविस्कर यासह समितीचे सदस्य तत्परतेने आणि काटेकोर पणे आणि पारदर्शी पणाने स्पर्धा  यशस्वी केल्या आहेत. त्याचाच परिपाक म्हणून नाशिक येथे झालेल्या क्रीडा साधना व दुधारे फाऊंडेशन  यांच्याकडून सन २०२०चा उत्तर महाराष्ट्र क्रीडा रत्न पुरस्कार डी डी राजपूत ( शारदा मा.वि.कळमसरे),  संजय के पाटील ( कै.अं.रा.पाटील मा.वि. मंगरूळ) , के यु.बागुल ( माध्य.विदया.लोण ) या तिन्ही क्रीडा शिक्षकांना  आॕल्मपिक वीर कै. खाशाबा जाधव यांचे सुपुञ रणजीत खाशाबा जाधव यांच्या शुभ हस्ते देण्यात आला.