अमळनेर (प्रतिनिधी) येथिल सरस्वती विद्या मंदिर शाळेत राष्ट्रीय जंतनाशक दिनानिमित्ताने विद्यार्थ्यांना जंतांपासून होणाऱ्या आजारास प्रतिबंध घालण्यासाठी जंतनाशक गोळ्यांचे वाटप करण्यात आले.
सरस्वती विद्या मंदिर येथे, विद्यार्थ्यांना कृमी व जंतांपासून पोटाचे होणाऱ्या विकारांना प्रतिबंध घालण्यासाठी शालेय विद्यार्थ्यांना जंतनाशक दिवसानिमित्त आरोग्य सेविका प्रतिभा पाटील यांनी मार्गदर्शन करून अलबेडांझोल गोळ्या स्व:हस्ते दिल्यात. तर मुख्याध्यापक रणजित शिंदे यांनी विद्यार्थ्यांना स्वच्छता पाळण्याचे आवाहन केले.यावेळी शिक्षिका सौ.संगिता पाटील,आनंदा पाटील,धर्मा धनगर,परशुराम गांगुर्डे, ऋषिकेश महाळपूरकर, सौ.संध्या ढबू आदि शिक्षक-शिक्षिका उपस्थित होते.
