अमळनेर (प्रतिनिधी) अमळनेर तालुक्यात भव्य दूध संघ साकारला जावा हे आ सौ स्मिता वाघ व भाजपा नेते उदय वाघ यांचे स्वप्न असताना त्यांच्या या प्रयत्नास स्थानिक सर्वपक्षीय नेत्यांकडूनही प्रोत्साहन मिळाल्यानंतर शासनाने हिरवा कंदील दिला. असून कृषी, पशुसंवर्धन,दुग्धव्यवसाय विकास मंत्रालयाने तापी सहकारी दूध व प्रक्रिया सह संघ,मर्या अमळनेर, ता, अमळनेर या संघास दूध संकलन व बँकेत खाते उघडण्यास परवानगी दिली आहे,या प्रकल्पामुळे शेतकऱ्यांना शेतीपूरक दुग्धव्यवसाय करण्यास चालना मिळून शेकडो भूमिपुत्रांना रोजगार उपलब्द होणार आहे.
सर्वपक्षीय नेत्यांच्या बैठकीत सर्वानूमते हा दूध संघ स्थापन करण्यास मान्यता मिळाल्यानंतर आवश्यक बाबींची पूर्तता करण्यासाठी आ सौ स्मिता वाघ यांची मुख्य प्रवर्तक म्हणून निवड करून त्यांच्यावर पुढील जवाबदारी टाकण्यात आली होती,त्यानुसार आ सौ वाघ यांनी प्रस्ताव तयार करून महाराष्ट्र शासनाच्या कृषी,पशुसंवर्धन,दुग्धव्यवसाय विकास मंत्रालयाकडे सुपूर्द केला होता,त्यासाठी मुख्यमंत्री देवेंद्र फडणवीस,कृषी व महसूल मंत्री ना चंद्रकांत दादा पाटील,पालकमंत्री ना गिरीश महाजन,माजी मंत्री आ एकनाथराव खडसे यांच्या शिफारशी वरून कृषी,पशुसंवर्धन आणि दुग्धव्यवसाय विकास मंत्री ना महादेवराव जानकर यांनी सकारात्मक कार्यवाही केल्याने तापी सहकारी दूध उत्पादक व प्रक्रिया सहकारी संघ मर्या.अमळनेर या संस्थेस दूध संकलन व बँकेत खाते उघडण्यास दि जून 2019 रोजीच्या शासन आदेशानुसार परवानगी देण्यात आली आहे.
परवानगी नंतर दि 1 ऑगस्ट रोजी श्रावण मासारंभाचे अवचित्य साधून कृषी उत्पन्न बाजार समिती अमळनेर येथे माजी आ कृषिभूषण साहेबराव पाटील यांच्या अध्यक्षतेखाली व भाजपा नेते उदय वाघ यांच्या प्रमुख उपस्थितीत सर्वपक्षीय दूध उत्पादकांची बैठक घेण्यात आली,यात आ.सौ स्मिता वाघ व उदय वाघ यांनी संस्थेत सर्वपक्षीय पदाधिकार्यांना संचालक म्हणून स्थान देण्याची भूमिका मांडली,यानुसार संघाच्या चेअरमनपदी काँग्रेसचे तालुकाध्यक्ष गोकुळ नामदेव बोरसे (गडखाम्ब), व्हा.चेअरमन पदी अमळनेर येथील उद्योजक महेंद्र सुदाम महाजन तर कार्याध्यक्षपदी महेश उत्तमराव पाटील (लोण)यांची एकमताने निवड करण्यात आली. यानंतर दूध संघाचे पुढीलप्रमाणे धोरण ठरविण्यात आले.

बैठकीतील निर्णयानुसार असे असेल  दुध संघाचे धोरण

तापी सहकारी दूध उत्पादक व प्रक्रिया संघामार्फत सहा महिन्यांत दूध संकलन प्रकाल्प क्षमता 10 हजार लिटर पर्यंत करण्यात येणार असून तालुक्यात 10 एकर जागेत प्रकल्प उभारला जाईल,दूध संघ कार्यान्वित झाल्यानंतर लागलीच 1500 युवकांना रोजगार उपलब्द होणार आहे,अवर्षणप्रवण क्षेत्रातील दुष्काळग्रस्त बळीराजा साठी सदर दूध संघ आशेचा किरण ठरणार आहे,सदर दूध संघामार्फत ग्रामिण दूध उत्पादक संस्थांचे बळकटीकरण व महिला बचत गटांचे सक्षमीकरण करून दूध संकलन करण्यात येणार आहे.सर्वात महत्वाचे म्हणजे संघामार्फत शुद्ध व सुगंधी दुग्ध पदार्थांची निर्मिती करणे, त्याचप्रमाणे मिनरल वॉटर बॉटल प्लांट,पशुखाद्य उद्योग,इतर उपक्रम राबविण्यात येणार आहेत.तसेच सदर प्रकल्पासाठी खुल्या आवाहनाद्वारे 25 हजार सभासद करण्यात येणार असून त्यासाठी 2 कोटी 50 लक्ष सभासद भागभांडवल वसूल करण्याचे उद्दिष्ट आहे.एन डी डी बी मार्फत शासकीय अनुदान 17 कोटी 50 लक्ष आणि उर्वरित भांडवल दीर्घ मुदतीचे बँक कर्ज रु 5 कोटी असा एकूण 25 कोटींचा हा प्रकल्प असणार आहे.
सदर बैठकीत वाघ दांपत्याने केलेल्या त्यागाच्या भावनेची स्तुती करण्यात येवून त्यांनी राजकरणात कार्यकर्त्याना पदे देवून नवीन आदर्श निर्माण केला त्याबद्दल त्यांचे माजी.आ. कृषिभूषण साहेबराव पाटील यांनी आभार मानले.सदर बैठकीस मार्केट सभापती प्रप्फुल पवार, जि.प.सदस्य सौ.मिनाताई पाटील,ऍड उपसभापती श्रावण ब्रम्हे,कृ.उ.बा.संचालक सुरेश पिरन पाटील माजी नगरसेवक राजु फाफोरेकर, काशिनाथ चौधरी,गिरीष सोनजी पाटील, देखरेख संघ चेअरमन विक्रांत पाटील, मार्केटचे माजी संचालक कामराज पाटील, भटा पाटील, रामकृष्ण पाटील,विठोबा महाजन, भगवान कोळी, शेतकी संघ माजी संचालक प्रा.श्याम पाटील,जितेंद्र राजपूत, गुलाबराव पर्वत पाटील, विजय कहारु पाटील,शिवसेनेचे किरण पवार, सचिन योगराज पाटील, भाजपा शहर अध्यक्ष शितल देशमुख, सरचिटणीस जिजाबराव पाटील, एम डी.चौधरी महेंद्र बोरसे, मधुकर कथ्थु पाटील, सदस्य नोदणी प्रमुख निवास मोरे आदि कार्यकर्ते उपस्थित होते.