अमळनेर(प्रतिनिधी) अमळनेर तालुक्यातील ग्रामपंचायत नगांव खु॥ वार्षिक नेल्डा सन्मान सोहळा- २०१९ मध्ये पर्यावरण संवर्धन पुरस्काराने सन्मानित करण्यात आले.
पुणे येथे नेल्डा सन्मान सोहळा- २०१९ रविवारी संध्याकाळी ५ वा. जवाहरलाल नेहरू मेमोरियल हॉल, कॅम्प, पुणे येथे आयोजित करण्यात आला होता.
पुणे महापालिकेचे पर्यावरण अधिकारी मंगेश दिघे व यांचे मार्गदर्शन महाराष्ट्र अंधश्रद्धा निर्मूलन समिती पुणे येथील कार्याध्यक्षा नंदिनी जाधव यांच्या हस्ते सन्मानित करण्यात आले यावेळी मंगेश दिघे व नंदिनी जाधव यांनी मार्गदर्शन देखील केले. त्यात नगाव खु च्या सरपंच प्रेरणा बोरसे यांना सन्मानित करण्यात आले.
ह्या सन्मान सोहळ्यासाठी एकुण ११ मानांकनासाठी १३३ विविध सामाजिक व ग्रामपंचायत संस्थाची निवड करण्यात आली होती पर्यावरण संवर्धन मानांकनासाठी एकुण ३७ संस्थांनी सहभाग नोंदवला होता. प्रत्येक संस्थांनी वैयक्तिक पातळीवर आपण केलेल्या कामाविषयी माहित असलेल्या परिचित लोकांना आॅनलाईन मतदानचे आव्हान केले होते, नगाव खु॥ ग्रामपंचायतीने पर्यावरण संवर्धनासाठी केलेल्या कामाची दखल आपण दिलेल्या आॅनलाईन मतदानामुळे नेल्डा फाऊंडेशनने घेतली व पर्यावरण संवर्धन ह्या मानांकनात ग्रामपंचायत नगाव खु॥ ची प्रथम क्रमांकाने निवड करण्यात आली त्याचा गौरव करण्यात आला तालुक्यात चांगल्या कामांनी नगाव खु ने यापूर्वी देखील विविध पुरस्कार प्राप्त केले आहेत.
