अमळनेर (प्रतिनिधी) तालुक्यातील पाडळसरे येथे तरुणाने गळफास घेऊन जीवनयात्रा संपवल्याची घटना ९ रोजी दुपारच्या सुमारास उघडकीस आली. याप्रकरणी अकस्मात मृत्यूची नोंद करण्यात आली आहे.

       याबाबत पोलिसांनी दिलेली अधिक माहिती अशी की, सोपान महारू कोळी (वय ३२, रा. पाडळसरे) हा मासेमारी व्यवसाय करून उदरनिर्वाह करत होता. ९ रोजी पत्नी कामावर गेल्यानंतर घरच्या वरच्या मजल्यावर तो एकटाच होता. त्याला कामावर बोलावणे आल्याने त्याचा भावाने आईला निरोप दिला. त्यामुळे आई दुपारी दीड वाजता सोपनला बोलवायला वरच्या मजल्यावर गेली असता त्याने झोक्याच्या दोरीने गळफास घेतल्याचे दिसून आले. त्याचा भाऊ, वडील व इतरांनी मिळून त्याला उतरवून खाजगी वाहनाने अमळनेर ग्रामीण रुग्णालयात दाखल केले असता डॉक्टरांनी तपासून मृत घोषित केले. याप्रकरणी मारवड पोलिसांत अकस्मात मृत्यूची नोंद करण्यात आली असून पुढील तपास हेकॉ प्रवीण पारधी हे करीत आहेत.