अमळनेर (प्रतिनिधी) तालुक्यातील चिमणपुरी पिंपळे परिसरात भुरट्या चोरट्यांनी धुमाकूळ घातला आहे. त्यांनी परिसरात अनेक छोट्या मोठ्या वस्तू चोरीचा सपाटा लावला आहे. त्यामुळे या भुरट्या चोरांचा तातडीने बंदोबस्त करावा, अशी मागणी होत आहे.

 याबाबत अधिक माहिती अशी की, राजेंद्र मन्साराम पाटील यांच्या पिंपळे खु. शिवारातील शेतातील विहिरीवर लावलेली ४५०० हजार रुपये किमतीची टेक्स्मो कंपनीची मोटार अज्ञात चोरट्याने लंपास केल्याचे २२ जून रोजी उघडकीस आले. तसेच पिंपळे खु. येथील मनोहर दिलीप चौधरी यांची रिक्षा सार्वजनिक जागी लावली असताना रिक्षाची बॅटरी लंपास करण्यात आली. तसेच ग्रामपंचायतीची बोअरवेलची ५०० फूट वायर अज्ञात चोरट्याने चोरून नेली. अश्या अनेक छोट्या मोठ्या चोऱ्या परिसरात नेहमीच होत असून या भुरट्या चोरट्यांचा पोलिसांनी बंदोबस्त करावा, अशी मागणी पिंपळे ग्रामस्थांनी केली आहे.