अमळनेर (प्रतिनिधी) अमळनेर रोटरी क्लब आणि आधार बहुउद्देशीय संस्था, अंकुर सेवा सेतू प्रकल्पांतर्गत एचआयव्हीसह जगणाऱ्या अनाथ मुलांसाठी सकस आहार व प्रोटीन किट वाटप करण्यात आले. त्यामुळे त्यांना मोठा आधार मिळाला.

या कार्यक्रमात ३० अति गरजू एचआयव्हीसह जगणाऱ्या अनाथ व एकलपालक बालकांना दर महिन्याप्रमाणे किराणा किट व प्रोटीन किट कै. वसंत माधव अमृतकर यांच्या पुण्यतिथीनिमित्ताने ३० प्रोटीन किट देण्यात आले. सोबत प्रत्येकी सहा वह्या देण्यात आल्या. आजच्या कार्यक्रमात अध्यक्षस्थानी पुष्पा अमृतकर होत्या. त्याच्या परीवारतील अमरदिप अमृतकर व त्यांच्या सुन उपस्थित होत्या.  त्यांच्या हस्ते ३० किराणा कीटचे वाटप करण्यात आले. आधार संस्थेचे कर्मचारी आनंद पगारे यांच्या कडून ३० पाण्याची बाॅटल देखील देण्यात आल्या. दात्यांनी या कार्यक्रमाशी जुडावे व गरजू मुलांपर्यंत आपली मोलाची मदत पोहोचवावी, असे आवाहन डॉ. भारती पाटील यांनी केले. आधार संस्थेचे कार्यकारी संचालक रेणु प्रसाद व रोटरी क्लबचे अध्यक्ष ताहा बुकवाला यांनी देखील आपले मनोगत व्यक्त केले. रोटरी क्लबचे अभिजित भांडारकर, किशोर लुल्ला, वृषभ पारेख, देवेंद्र कोठारी, रोहित सिंघवी कार्यक्रमास उपस्थित होते. या कार्यक्रमच्या यशस्वीतेसाठी संजय कापडे, पूनम पाटील, आनंद पगारे, मोहीनी धनगर, राहुल पवार, भावेश मराठे यांनी प्रयत्न केले. कार्यक्रमांचे सूत्रसंचालन संजय कापडे यांनी केले