अमळनेर (प्रतिनिधी)  तालुक्यातील निंभोरा येथील डॉ.श्यामाप्रसाद मुखर्जी शिक्षण संस्था अमळनेर नानासाहेब उत्तमराव पाटील प्राथमिक आश्रम शाळेतील आदित्य तानाजी ताकमारे याने राष्ट्रीय कुस्ती स्पर्धेत प्रथम क्रमांकाने विजयी होऊन सुवर्ण पदक पटकावले आहे.

गोरखपूर उत्तरप्रदेश येथे राष्ट्रीय कुस्ती स्पर्धा झाली. यात आदित्य याने  उत्तर प्रदेशच्या समीरवर एकतर्फी मात करत १०-० ने विजय मिळवला.  राष्ट्रीय  कुस्ती स्पर्धेत ३५ किलो वयोगटात प्रथम क्रमांकाने यश मिळवून आंतरराष्ट्रीय  स्पर्धेसाठी त्याची निवड झाली आहे. त्याला मुख्याध्यापक प्रदीप शांताराम सोनवणे यांचे मार्गदर्शन लाभले. या निवडी बद्दल त्याचे सर्व स्थरावरून कौतुक होत आहे. संस्थेचे अध्यक्ष, उपाध्यक्ष, सचिव सर्व संस्थाचालक,मुख्याध्यापक,शिक्षक ,शिक्षकेतर कर्मचारी यांनी कौतुक केले.