अमळनेर (प्रतिनिधी) येथील रॉयल उर्दू हायस्कूल मधील कला शिक्षक शेख वसीम अहमद यांनी फळयावर रंगीत खडू द्वारे चित्र रेखाटून मतदान जनजागृती केली आहे.

निवडणुकीत मतदानाचा अधिकार जास्तीजास्त नागरिकांनी बजावून लोकशाही मजबूत करावी म्हणून विधानसभा निवडणुकीसाठी जिल्हा भरात मतदान जनजागृती अभियान राबविले जात आहे. यात पथनाट्य, प्रभात फेरी, मतदानासाठी संकल्प करणे, शपथ घेणे आदी उपक्रमचा समावेश आहे. या उपक्रमा आंतर्गत रॉयल उर्दू हायस्कूल मधील कला शिक्षक शेख वसीम अहमद यांनी फळयावर रंगीत खडू द्वारे चित्र रेखाटून मतदान जनजागृती केली आहे. मतदान हा फक्त अधिकार नाही तर कर्तव्य आहे. आपल्या गावाच्या विकासासाठी आपले मत निश्चित नोंदवा असे आवाहन त्यांनी या चित्रातून केले आहे.