अमळनेर (प्रतिनिधी) तालुक्यातील मारवड येथील ज्ञानदेव – मुक्ताई ग्रुप आयोजित ‘माझं माहेर मारवड ‘ हा स्नेहमेळावा ज्ञानदेव .मुक्ताई ग्रुप मारवड यांच्यातर्फे सु हि. मुंदडे हायस्कुलच्या प्रांगणात रंगला.
या सोहळ्यात २० वर्ष पासुन ते ९२ वर्ष वयाच्या भगिनीची उपस्थित होती. शेकडोंच्या संख्येतील माहेरवाशिनींच्या अभुतपूर्व प्रतिसादाने हा सोहळा अतिशय रंगतदार ठरला, गावदरवाजा वरील गणेश पुजनाने रॅलीची सुरवात झाली. रॅलित माँसाहेब जिजाऊ, झाशीची राणी, सावित्रीमाई, यांसारख्या कर्तबगार महिलांची वेशभूषा साकारली होती. कन्या शाळेच्या मुलिंच्या लेझीम पथकाने नृत्य केले. ठिकठिकाणी आकर्षक रांगोळ्या साकारल्या होत्या. मासाहेब जिजाऊ व सावित्रीमाई यांच्या प्रतिमेचे पुजन व दिपप्रज्वलन करून कार्यक्रमाची सुरवात करण्यात आली. दिवंगत झालेल्या सर्व माहेरवाशिन भगिनिंना श्रद्धांजली अर्पण केली. कार्यक्रमात मुख्याध्यापिका अनिता बोरसे, रूपाली पाटील यांच्या माहेरच्या कथा मनात घर करून गेल्या. तसेच अश्विनी चौधरी, वृषाली पाटील यांचे कथ्थक नृत्य,व योगिता पांडे व वृक्षवल्ली गृप यांच्या रासनृत्याने रंगत आणली. करोडपती फेम शरद भाऊ धनगर यांच्या अहिराणी भाषेतील मायमाहेरच्या ओव्या, आणि कवितेने उपस्थित महिला भगिनी भावविभोर झाल्या. तर अपेक्षा पवार व शुभांगी खंडाळे यांच्या गीतांवर मनमुराद नृत्याचा आनंद सर्व भगिनिंनी लुटला.मारवडच्या माय -माहेरातील भुतकाळाच्या स्मृती, बालपणाच्या, शालेय जीवनाच्या आणि गावच्या आठवणिंना कार्यक्रमाच्या निमित्ताने उजाळा मिळाला.सर्व वयोगटाच्या अनेक सखींना अनेक वर्षानंतर माहेरात भेटण्याचा दुर्मिळ योग यानिमित्ताने आला. उपस्थित सर्वांच्या चेहर्यावर एक वेगळाच आनंद दिसत होता.कार्यक्रमात लकी ड्रॉ च्या विजेत्या भगिनिंना ” ज्ञानदेव मुक्ताई ग्रुप कडून,” माहेरची साडी ” स्नेहभेट म्हणून ‘देण्यात आली. यावेळी माहेरवाशिण भगिनिंनी विविध गुणदर्शनाचे कार्यक्रम सादर केले. यात सहभागी सर्व स्पर्धकांना पारस गोल्ड,व पद्मालय पोहे, अमळनेर यांचेकडून स्नेहभेट, व ट्रॉफी देऊन सन्मानित करण्यात आले. कार्यक्रमाचे बहारदार सुत्रसंचालन रेखा मराठे व वर्षा पाटील, प्रास्ताविक नलिनी मुंदडा यांनी तर आभार प्रदर्शन करुणा पाटील व रजनी गुरव यांनी केले.कार्यक्रमाच्या यशस्वितेसाठी ‘ज्ञानदेव- मुक्ताई ‘ ग्रुपचे श्री. गोकुळ पाटील, सुभाष पाटिल, महेश साळुंखे, प्रदिप चौधरी, विनय साळुंखे, दिपक पाटील, सचिन साळुंखे,देवेंद्र साळुंखे प्रदिप निकम, उमेश सुर्वे,शरद पाटील,सुजित साळुंखे, यांनी सहकार्य केले.