अमळनेर-शहरातील जिवन ज्योती सोसायटी येथील रहिवासी तथा नम्रता जनरल स्टोअर्स चे मालक दिनेश विरेंद्रलाल शाह अपघातात गंभीर रित्या जखमी झाल्याची घटना दि 12 रोजी दुपारी 11.30 वाजेच्या सुमारास शहरातील कचेरी रोड वरील मंगलमूर्ती पतपेढी समोर घडली होती.त्यांची प्रकृती अत्यवस्थ असल्याने त्यांच्यावर धुळे येथील सेवा क्रिटिकल केअर येथे उपचार सुरु होते.अखेर आज दुपारी त्यांची प्राणज्योत मालवली.
दिनेश शाह हे त्यांच्या दुचाकीवर बसून मंगलमूर्ती समोरून जात असताना अज्ञात इनोव्हा कारने त्यांना जबर धडक दिली होती,या अपघातात ते गाडीवरून फेकले जाऊन रस्त्यावर आदळले,डोक्याला गंभीर मार बसल्याने त्यांना सुरवातीला डॉ प्रशांत शिंदे व डॉ निखिल बाहुगुणे येथे दाखल करण्यात आले होते,मात्र गंभीर परिस्थिती पाहता धुळे येथे हलविण्यात आले होते.या घटनेने शहरात शोककळा पसरली आहे.त्यांची अंत्ययात्रा आज दि 13 रोजी सायंकाळी 5.30 वा गुड्डू भाई उर्फ दिनेश शहा यांची अंत्ययात्रा त्यांचे राहते घर आनंद कॉलनी येथून निघणार आहे