अमळनेर(प्रतिनिधी) अमळनेर येथील महाराष्ट्र साहित्य परिषद शाखेच्या वतीने घोषित करण्यात आलेल्या साहित्यिक वा.रा.सोनार स्मृती पुरस्काराचे दि.१४ फेब्रुवारी २०१९रोजी मान्यवरांच्या उपस्थितीत वितरण करण्यात येणार आहे. धरणगाव येथील साहित्यिक डॉ.संजीवकुमार सोनवणे यांना हा पुरस्कार देण्यात येणार आहे.
खानदेशातील मागील पिढीतील साहित्यिक,कवी, नाट्यकर्मी व प्रकाशक स्व.तात्यासाहेब वा.रा.सोनार यांच्या स्मृतीप्रित्यर्थ मसाप शाखेच्या वतीने व चेतश्री परिवाराच्या सहकार्याने पुरस्कार देण्याचे निश्चित करण्यात आले .प्रथम पुरस्कारासाठी धरणगाव येथील शिक्षक व सुप्रसिद्ध साहित्यिक डॉ संजीवकुमार सोनवणे यांच्या नावाची या आधीच घोषणा करण्यात आली आहे. सदर पुरस्काराचे वितरण सुप्रसिद्ध लेखक आणि वक्ते प्रा. डॉ.विश्वास राव पाटील (शहादा)यांच्या हस्ते करण्यात येणार असून प्राचार्य डॉ. कृष्णा पोतदार हे अध्यक्षस्थानी असतील. कवी जगदीश देवपूरकर हे प्रमुख पाहुणे म्हणून उपस्थित राहतील. दि. १४ फेब्रुवारी २०१९ रोजी सायंकाळी ५ वाजता टिळक स्मारक समितीचे सभागृह (जुना टाउन हॉल ) अमळनेर येथे होत असलेल्या कार्यक्रमांस साहित्य रसिक व स्व.तात्यांवर प्रेम करणारे श्रोत्यांनी उपस्थिती द्यावी असे आवाहन महाराष्ट्र साहित्य परिषद व चेतश्री परिवाराच्या वतीने करण्यात आले आहे.