अमळनेर (प्रतिनिधी) पर्यावरण संवर्धनासाठी लिनेस क्लबतर्फे पर्ल इंटरनॅशनल स्कूल येथे वृक्षारोपण करण्यात आले. कार्यक्रमाच्या अध्यक्षस्थानी चेअरमन चंद्रकांत भदाणे होते. प्रेसिडेंट नम्रता हिंदुजा , कांचन शहा , परमिंदर कालरा यांच्या हस्ते वृक्षारोपण करण्यात आले, लिनेस क्लब सदस्य जेस्मिन भरुचा (मायक्रो कॅबिनेट ऑफिसर एज्युकशन) यांच्या कडून ५ विद्यार्थ्यांना स्कूल गणवेश तसेच सर्व विद्यार्थ्यांना खाऊ, वही पेन भेट वस्तू देण्यात आले. तसेच शिक्षकांना पेन देऊन सन्मानित करण्यात आले. प्राचार्या यांनी फुल श्रीफळ देऊन मान्यवरांच्या सत्कार केला. प्रास्ताविक कुमारी प्रज्ञा पाटील यांनी केले. पर्ल इंटरनॅशनल स्कूलचा विद्यार्थी साई चौधरी व विद्यार्थीनी कुमुद मगर यांनी आभार मानले. कार्यक्रम यशस्वी होण्यासाठी विजय चौधरी, मनस्वी भदाणे, विशाखा देसले, कुंजल पाटील, सखाराम पावरा, उमेश पाटील, राजू पाटील यांनी सहकार्य केले.