अमळनेर (प्रतिनिधी) तालुक्यातील ग्रुप ग्रामपंचायत पिंपळे खुर्द मध्ये शिवजयंती उत्साहात साजरी करण्यात आली. यावेळी गावातील प्रतिष्ठित नागरिक व पोलीस पाटील राजेंद्र माणिक पाटील, गावाचे तंटामुक्त अध्यक्ष निंबा दला चौधरी, लोकनियुक्त सरपंच वर्षा युवराज पाटील यांनी  छत्रपती शिवाजी महाराज प्रतिमेचे पूजन करू पुष्पहार अर्पण केले. ग्रामपंचायत सदस्य संतोष बापू चौधरी ,अरुण संभाजी पाटील, ग्रामसेवक किरण लंकेश ग्रामपंचायत शिपाई ज्ञानेश्वर रावण पाटील रोजगार सेवक संतोष पाटील, पुरुषोत्तम  चौधरी ,जयवंत पाटील, साहेबराव पाटील ,गोकुळ पाटील,निबा चौधरी,राजेंद्र पाटील यावेळी ग्रामस्थ मोठ्या संख्येने छत्रपती शिवाजी महाराजांच्या  जयघोष चा नारा देण्यात आला जय  शिवराय जय जिजाऊ  सामाजिक कार्यकर्ता युवराज पाटील यांनी छत्रपती शिवाजी महाराज यांच्या बद्दल मनोगत व्यक्त केले. सूत्रसंचालन व आभार लोकनियुक्त सरपंच वर्षा पाटील यांनी मानले

ओम साई क्लासेसतर्फे दहावीच्या विद्यार्थ्यांना निरोप

पिंपळे येथील ओम साई क्लासच्या इयत्ता दहावीच्या विद्यार्थ्यांचा निरोप देण्यात आला. निंबा चौधरी हे अध्यक्षस्थानी होते. प्रमुख पाहुणे म्हणून विद्यावर्धिनी महाविद्यालयाचे उपप्राचार्य डॉ योगेश पाटील,  विजयसिंग पवार,उमेश काटे, जगदीश पाटील, डी. बी. पाटील व अविनाश पाटील उपस्थित होते. पूज्य श्री साने गुरुजी शिक्षण प्रसारक मंडळ शिरसाळे येथील उपक्रमशील शिक्षक विजयसिंग पवार यांनी विद्यार्थ्यांना आपल्या जीवनाचे अनुभव कथन करुन कशा पद्धतीने संघर्षातून जीवन यशस्वी करायचे याबद्दल मार्गदर्शन केले. कै सु. आ. पाटील  माध्यमिक विद्यालय शिक्षक जगदीश पाटील व डी. बी. पाटील यांनी विद्यार्थ्यांना भविष्यातील विविध शैक्षणिक वाटांविषयी मार्गदर्शन केले. तसेच वाचनालय चे पुस्तके विजयसिग पवार, डी. बी. पाटील यांनी आणू दिली. अविनाश पाटील पुस्तके ठेवण्यासाठी  एक कपाट दिले.  वाचनालय आपल्या गावात आजपासून चालू करण्यात आले अशी माहिती सामाजिक कार्यकर्ते युवराज पाटील  यांनी विद्यार्थ्यांना  दिली.  ग्रामीण भागातील विद्यार्थी काळानुसार भवितव्यात पुढे जावा यासाठी सर्व शिक्षकांचे वेळोवेळी मदतीचा हात पुढे येत आहे व ओम साई क्लासेस मार्फत तीस ते पस्तीस विद्यार्थी स्वतःच्या पायावरती उभे आहेत  सूत्रसंचालन ज्ञानेश्वर पाटील सरांनी केले व  आभार प्रदर्शन युवराज  पाटील यांनी केले