अमळनेर (प्रतिनिधी) येथे सुरू असलेल्या दुर्गा फाऊंडेशन संचलित कै. दादासाहेब व्ही. एस. पवार इंग्लिश मिडीयम स्कूलमध्ये वसंत पंचमी उत्साहात साजरी करण्यात आली. यावेळी विद्यार्थ्यांना विविध विषयांवर मार्गदर्शन करण्यात आले.

यावेळी माता सरस्वतीच्या मूर्तीची शाळेच्या परिसरात स्थापना करण्यात आली. माता सरस्वतीचे पूजन संस्थेचे अध्यक्ष उत्कर्ष पवार व सचिव अलका पवार यांच्या हस्ते करण्यात आले. वसंत पंचमीच्या शुभ मुहूर्तावर विद्यार्थ्यांना विविध विषयांवर मार्गदर्शन करण्यात आले. कार्यक्रमाचे प्रास्ताविक योगिता फाळके यांनी केले. तर सूत्रसंचालन मनीषा सोनार व पल्लवी येवले यांनी केले. संस्थेचे उपाध्यक्ष उमाकांत पाटील व स्वाती चव्हाण यांनी विद्यार्थ्यांना सूचक मार्गदर्शन केले. कार्यक्रमाच्या यशस्वितेसाठी सुवर्णा पाटील, संगीता पाटील मनीषा शिरसाठ व भारती गव्हाणे यांनी विशेष परिश्रम घेतले त्यांना संस्थेच्या प्राचार्या वर्षा सोहीते यांचे मार्गदर्शन लाभले.