अमळनेर (प्रतिनिधी) सेवानिवृत्त एसटी कर्मचाऱ्याने यांनी सापडलेला तीस हजाराचा मोबाईल नातवाच्या मदतीने संबंधितास प्रामाणिकपणाने परत केला. याबाबत अधिक माहिती अशी की, अमळनेर येथील मुंदडा नगर जवळील गजानन महाराज मंदिराजवळ दादासाहेब जी. एम. सोनार नगर येथील रहिवासी श्री. समाधान पाटील यांचा हरवलेला मोबाईल सेवानिवृत्त एस टी महामंडळाचे कर्मचारी जिवन काशीराम सूर्यवंशी यांना सापडला असता त्यांनी आपल्या नातवाला आपबिती सांगितल्यावर हा मोबाईल कुणाचा आहे. त्यांना परत करु असे सांगितले. त्यानंतर नातू मंथन पाटील याने आपल्या वडिलांना बोलावून पप्पा हा मोबाईल ज्यांचा आहे त्यांना परत करुया असे सांगत मंथन आणि त्याचे वडील रविंद्र पाटील यांनी मोबाईल मधला संपर्क क्रमांक शोधत साने गुरुजी शाळेचे उपशिक्षक समाधान पाटील यांना संपर्क करीत त्यांना त्यांचा तीस हजार रुपये किंमतीचा मोबाईल परत केला. त्यामुळे त्यांचे कौतुक होत आहे. 
