अमळनेर(प्रतिनिधी) खिशातून पैसे काढून चोरीचा प्रयत्न केल्याची घटना बसस्थानक परिसरात घडली याप्रकरणी एकावर गुम्हा दाखल करण्यात आला आहे.
याबाबत अधिक माहिती अशी की, गौरव रवींद्र बोरसे हे अमळनेर ते शिरपूर गाडीने शिरपूर जात असतांना रुपेश वाल्मिक शिरसाठ (रा.हुडको, किस्मत नगर, शिरपूर) याने गौरवच्या खिशातून पैसे काढण्याचा प्रयत्न करत असतांना सापडला.गौरवने विरोध केले असता त्याला चापटा बुक्क्यांनी मारहाण करून ओरबडण्याचा प्रयत्न केला. यावेळी बसस्थानक परिसरातील पोलीस कर्मचारी निंबा शिंदे यांनी त्याला ताब्यात घेतले. अमळनेर पोलीस स्थानकात गुन्हा दाखल करण्यात आला आहे.
