अमळनेर (प्रतिनिधी) तीन दिवसांपासून कोरड्या विहिरीत भुकेल्या पडलेल्या कुत्र्याला बाहेर काढून नगरपरिषदेच्या अग्निशमन दलाने भूतदया दाखवून त्याचे प्राण वाचवले आहेत. त्यांच्या या प्रयत्नाचे कौतुक केले जात आहे.
याबाबत अधिक माहिती अशी की, आर. के. नगर भागात एक कोरडी विहिरीत परिसरातील नागरिक कचरा फेकत असतात. तीन दिवसांपूर्वी याच विहिरीत कुत्रा पडला. भुकेने व्याकुळ झालेला कुत्रा ओरडत होता आणि खोल विहिरीत कोणी उतरत नसल्याने नागरिकांनी नगरपरिषदेचे मुख्याधिकारी प्रशांत सरोदे याना कळवले. अग्निशमन कर्मचारी नितीन खैरनार , फारुख शेख , जाफर खान , दिनेश बिऱ्हाडे , मच्छीन्द्र चौधरी , भिका संदानशीव यांनी शिडी व दोर नेऊन एका कर्मचाऱ्यास विहिरीत उतरवून कुत्र्याला बाहेर काढले. कुत्र्याचे प्राण वाचवल्याबद्दल नागरीकांनी अग्निशमन दलाचे कौतुक केले.
