‘खबरीलाल’ने प्रसिद्ध केलेल्या येशोगाथाना नागरिकांचा उत्स्फूर्त प्रतिसाद

अमळनेर (प्रतिनिधी) ‘खबरीलाल’चा तिसरा वर्धापन दिन पत्रकार दिनानिमित्ताने दि. ६ जानेवारी रोजी साजरा करण्यात आला. याला सामाजिक, राजकीय, शैक्षणिक, सांस्कृतिक ,संघटना आदी विविध क्षेत्रातील वाचक, जाहिरातदार, हितचिंतक यांचा उत्स्फूर्त प्रतिसाद लाभला. यामुळे सर्वांच्या उपस्थितीने ‘खबरीलाल’च्या वर्धापन दिन कार्यक्रमांची शोभा वाढली.
प्रसार माध्यमाच्या ऑनलाईन पोर्टलच्या क्षेत्रात प्रथमच ‘खबरीलाल’ने आपला वर्धापन दिन सोहळा हास्स्य कविसंमेनल आयोजिक केला. अमळनेरकरांनी उपस्थित राहून लोटपोट हसण्याचा आनंद लुटला. विशेष म्हणजे ‘खबरीरालालने प्रथम शहरातील विविध क्षेत्रातील मान्यवरांच्या जीवनात, व्यवसायात, संघटना बांधणीसंदर्भात त्यांचे १ जानेवारी ते १४ जानेवारी दरम्यान लेख प्रसिद्ध केले. यातून प्रत्येक अमळनेरकरांना त्या व्यक्तीने केलेला संघर्ष माहिती झाला. आणि मिळालेल्या यशाचे रहस्यही उलगडले. यातून अनेकांना प्रोत्साहन मिळाले. अनेकांनी हा उपक्रम आवडल्याचे ‘खबरीलाल’शी बोलताना आवर्जून सांगितले. अनेकांनी ते संग्रही करून ठेवले आहेत. प्रथमच असा उपक्रम राबवल्याची पावतीही अनेकांकडून मिळत आहेत. हे केवळ अमळनेरकर जनता, ‘खबरीलाल’चे वाचक, हितचिंतक आणि जाहिरातदारांच्या पाठबळामुळेच शक्य झाले आहे. त्यामुळे ‘खबरीलाल’ सर्वाचा सहृदय आभारी आहे, आपल्या सदिच्छा आणि पाठींबा अशाच कायम राहू द्याव्यात, ही अपेक्षा आहे.