अमळनेर (प्रतिनिधी) येथील न्यू व्हिजन इंग्लिश मिडीयम स्कूलमध्ये ख्रिसमस डे आणि साने गुरुजी जयंती उत्साहात साजरी करण्यात आली.
साने गुरुजींच्या प्रतिमेचे मान्यवरांच्या हस्ते पूजन मान्यवरांच्या हस्ते करण्यात आले. दिपाली राजपूत यांनी खरा तो एकची धर्म ही प्रार्थना म्हणून कार्यक्रमास सुरुवात केली. सर्व धर्मसमभाव या आपल्या भारतीय संस्कृतीचा मान राखून शाळेमध्ये सर्व सन-उत्सव आनंदाने साजरे केले जात असतात. म्हणूनच शाळेत ख्रिसमस डे चेही आयोजन जोरदार करण्यात आले. कार्यक्रमात विद्यार्थ्यांसमवेत त्यांच्या पालकांनाही आमंत्रित करण्यात आले होते. यावेळी शाळेत ख्रिसमस ट्री वर लायटिंग लावून ते सजवण्यात आले. ख्रिसमस निमित्त शाळेत सजावट करण्यात आली. कार्यक्रमात विद्यार्थ्यांनी विविध गाण्यांवर नृत्य सादर केले. शाळेच्या प्राचार्य प्रेरणा पाटील यांनी मनोगत व्यक्त केले. शाळेचे चेअरमन निलेश लांडगे व अध्यक्ष शितल देशमुख तसेच शाळेच्या प्राचार्य प्रेरणा पाटील यांनी मार्गदर्शन केले. कार्यक्रमाचे सूत्रसंचालन व आभार विद्यार्थ्यांनी केले.