अमळनेर(प्रतिनिधी)अमळनेर शहरात दरोडा टाकण्याच्या पूर्वतयारीत असताना पोलिसांनी चार जणांना ताब्यात घेतले असून दोन जण फरार झाले आहेत. न्यायालयाने तीन अल्पवयीन मुलांना बालसुधार गृहात रवाना केले आहे तर एकाला ११ पर्यंत पोलीस कस्टडी सुनावली आहे.
आमिन एजाज खाटीक वय २० रा. पिंपळे रोड व तीन अल्पवयीन मुले, राकेश वसंत चव्हाण, इम्रान शेख हे प्रताप महाविद्यालयाजवळील उड्डाणपुलाखाली दरोडा टाकण्याच्या पूर्वतयारीत लोखंडी सुरा, लोखंडी पाते, बॅटरी, ५० ग्राम मिरची पूड, सुती दोरी, स्क्रू ड्रायव्हर, व दोन मोटरसायकली सह असताना पोलीस निरीक्षक अनिल बडगुजर, सहाययक पोलीस निरीक्षक प्रकाश सदगीर, पोलीस नाईक किशोर पाटील, प्रमोद बागडे, विजय साळुंखे, रवी पाटील, योगेश पाटील, योगेश महाजन यांनी पकडले असता राकेश चव्हाण व इम्रान शेख फरार झाले चौघांना ताब्यात घेतले सर्व सहा आरोपींविरुद्ध भादवी ३९९, ४०२, व शस्र कायदा ४/२५ प्रमाणे गुन्हा नोंदविण्यात आला आहे चौघांना न्यायाधीश चौखुंडे यांच्या न्यायालयात सादर केले असता तिघा अल्पवयीन मुलांना बालसुधारगृहात रवाना केले असून अमीन खाटीक यास ११ पर्यंत पोलीस कोठडी सुनावली आहे तपास सहाययक पोलीस निरीक्षक प्रकाश सदगीर करीत आहेत.