अमळनेर (प्रतिनिधी) “हाती घोडा पालखी जय कन्हैया लाल की ” च्या जयघोषात स्वामी विवेकानंद इंटरनॅशनल स्कूलमध्ये श्रीकृष्ण जन्माष्टमी गुरुवारी उत्साहात साजरी करण्यात आली.
पूर्व प्राथमिक विभागातील विद्यार्थी राधाकृष्ण या वेशभूषेत आले होते. त्यांचे स्वागत करण्यात आले. प्रमुख अतिथी म्हणून शाळेचे मुख्याध्यापक हेमंतकुमार देवरे , शालेय समितीच्या सदस्या सितिका अग्रवाल आणि आचल अग्रवाल उपस्थित होत्या .कार्यक्रमाची सुरुवात दीप प्रज्वलनाने करण्यात आली. त्यानंतर पूर्व प्राथमिक विभागातील शिक्षकांनी “श्रीकृष्ण जन्मोत्सव ” हा अभिनयातून सादर केला .पूर्व प्राथमिक विभागातील विद्यार्थ्यांनी आणि सर्व शिक्षकांनी या अभिनयाचा आनंद घेतला .त्यानंतर श्रीकृष्णाची आरती जल्लोषात करण्यात आली. दहीहंडी फोडून कार्यक्रमाची सांगता करण्यात आली. सूत्रसंचालन अनिता नेरकर यांनी केले. संस्थेचे चेअरमन नीरज अग्रवाल यांनी कौतुक केले. सदर कार्यक्रम शाळेचे मुख्याध्यापक हेमंतकुमार देवरे आणि सितिका अग्रवाल यांच्या मार्गदर्शनाखाली पार पडला.