अमळनेर (प्रतिनिधी) सद्गुरू सखाराम महाराज पुण्यतिथीनिमित्त वाडी संस्थांनतर्फे हभप प्रसाद महाराजांनी ६०० महिलांची ओटी भरण्यात आली. तसेच सर्व रोग निदान शिबिर घेऊन ४५० नागरिकांची तपासणी करण्यात आली. 
प्रसाद महाराजांनी महिलांची ओटी भरताना ब्लाउज पीस व तांदूळ दिले तर सोबत आलेल्या पुरुषांना तांदूळ दिला. तर वाडी संस्थान, रोटरी क्लब, लायन्स क्लब यांच्या सहकार्याने झालेल्या मोफत आरोग्य शिबिरात हृदयरोग, मधुमेह, डोळे, रक्तदान, किरकोळ आजार तपासण्यात येऊन त्यांना औषधी वाटप तसेच सल्ला देण्यात आला.
कीर्तनाचा कार्यक्रमही रंगला
पुण्यतिथीनिमित्त हभप भगवानबुवा सडगावकर महाराज, हभप बेलापूरकर महाराज, हभप प्रकाशबुवा, हभप शारगंधर बुवा देशमुख चाळीसगाव, रूपंचंदबुवा महाराज दहिवद यांच्या कीर्तनाचा कार्यक्रम झाला. विविध कार्यक्रम घेण्यात आले.
.