अमळनेर (प्रतिनिधी ) तालुक्यातील मंगरूळ येथे २ मे रोजी दुपारी अडीच वाजेच्या सुमारास पुन्हा आग लागून दोन शेतकर्‍यांच्या शेतातील मका आणि चारा जळून खाक झाल्याची घटना घडली. अग्नीशमन दालने येऊन आग आटोक्यात आणली.
याबाबत अधिक माहिती अशी की, अमळनेर तालुक्यातील मंगरूळ येथील शेतकरी मंगलबाई काशिनाथ वाणी यांच्या शेतातील उभ्या असलेल्या मक्याला अचानक आग लागली. सर्वत्र धावपळ सुरू झाली. वाऱ्यामुळे आग वाढत जाऊन शेजारच्या गोकुळ भास्कर पाटील यांच्या शेतात असलेल्या चाऱ्याच्या कुडाला पण आग लागली. कडक उन्हाळा त्यात वारा सुरू असल्याने आग विझत नव्हती व जवळ जान्यानेही भाजत होते. म्हणून नगरपालिकेच्या अग्निशमन दलाचे प्रमुख नितीन खैरनार याना बंम्ब पाठवण्याची विनंती केली. अग्निशमन दलाचे फायरमन दिनेश बिऱ्हाडे ,आनंदा झिम्बल , परेश उदेवाल आणि चालक जाफर खान यांनी आग विझवल्यामुळे अधिक नुकसान होण्यापासून वाचले.
