शालेय व महाविद्यालयीन आमदार अनिल पाटील यांच्याकडे मांडली आपली व्यथा

खबरीलाल- अमळनेर (प्रतिनिधी) आमदारसाहेब शाळा, महाविद्यालयात जाण्यासाठी खूपच हाल होत असून एसटीबसेस त्वरित सुरू करा, अशी आर्थ साद विद्यार्थ्यांनी आमदार अनिल पाटील यांना घातली.
आमदार अनिल पाटील एका कार्यक्रमानिमित्त गलवाडे रोड वरून जात असताना अचानक त्यांना शाळा व कॉलेजचे काही विध्यार्थी रस्त्या लागत उभे असलेले दिसले. त्यांनी  हे चित्र पाहून तात्काळ गाडी थांबवून विद्यार्थ्यांकडे पोहोचले, विद्यार्थी मित्रांची त्यांनी आस्थेने चौकशी केली, यावेळी सर्वांनी एस टी बस बंद असल्यामुळे खूपच हाल होत आहेत, काही वेळा तर गलवाडे किंवा जवळच्या गावातून पायी सुद्धा चालत यावे लागते,अनेकदा शाळा कॉलेज ला पोहोचण्यास उशीर होत असल्याने शैक्षणिक नुकसान देखील होत असते,तेव्हा एस टी बस सुरू करण्यासाठी कसोशीने प्रयत्न करा अशी विनंती त्यांनी केली. आमदारांनी विद्यार्थ्यांची व्यथा ऐकून घेत व येणारया काही दिवसात हा प्रश्न नक्की सुटेल व तुमची हक्काची बस तुमच्या पर्यंत लवकरच पोहोचेल असे आश्वासन आमदारांनी दिले.