खबरीलाल– अमळनेर (प्रतिनिधी) खान्देश शिक्षण मंडळाच्या निवडणुकीसाठी कार्यकारी मंडळासाठी एक तर अध्यक्षपदासाठी चार , उपाध्यक्ष पदासाठी चार , विश्वस्त पदासाठी तीन अशा १२ जणांनी उमेदवारी अर्ज दाखल केले आहेत.
खाशीच्या निवडणुकीसाठी १ जानेवारी पासून उमेदवारी अर्ज भरण्यास सुरुवात झाली असून अध्यक्ष, उपाध्यक्ष ,विश्वस्त, व कार्यकारी संचालक पदासाठी १२ जणांनी आपले उमेदवारी अर्ज दाखल केले आहेत. निवडणूक नियंत्रणासाठी चेअरमन पंडित चौधरी , डॉ. बी. आर. बाविस्कर, मनोहर भगवान महाजन , दिनेश नाईक, खान्देश शिक्षण मंडळाचे चिटणीस प्रा डॉ ए बी जैन , राकेश निळे , भटू चौधरी यांची समिती नियुक्ती करण्यात आली आहे. दरम्यान उमेदवारी अर्ज भरण्यापूर्वी सहकार व आशीर्वाद असे दोन पॅनल तयार झाले आहेत. प्रचाराला सुरुवात देखील झाली आहे.
