खबरीलाल– अमळनेर (प्रतिनिधी ) प्रताप महाविद्यालयात दिनांक २४ डिसेंबर रोजी श्रीमंत प्रताप शेठ यांची पुण्यतिथी आणि पूज्य साने गुरुजी यांच्या जयंती  निमित्ताने प्रा. डॉ. मनिष करंजे यांचे व्याख्यान झाले.
व्याख्यानात प्रा. डॉ.मनिष करंजे यांनी  राष्ट्रीय चळवळीमध्ये पूज्य साने गुरुजींचे योगदान किती महत्त्वपूर्ण होते याबद्दल आपले विचार व्यक्त केले. तसेच शैक्षणिक क्षेत्रामध्ये  श्रीमंत प्रताप यांनी केलेल्या आर्थिक योगदानाचे ही उल्लेख त्यांनी आपल्या भाषणातून केला. याप्रसंगी संस्थेचे चेअरमन जितेंद्र मोहनलाल जैन, संचालक प्रदीप अग्रवाल, योगेश मुंदडे, हरी भिका वाणी, नीरज अग्रवाल तसेच संस्थेचे अध्यक्ष अनिल कदम, महाविद्यालयाचे प्राचार्य शिरोळे आदी उपस्थित होते.