सुरेश पिरन पाटील यांना “प्रगतीशील किसान पुरस्कार ” मिळाल्याने विशेष सत्कार

अमळनेर (प्रतिनिधी) तालुक्यातील अमळगाव येथील आदर्श विद्यालयात दहावी व बारावीच्या विद्यार्थ्यांना निरोप देऊन उज्वल करिअरच्या शुभेच्छा दिल्या. तसेच गुणगौरव सोहळा झाला.  कार्यक्रमाच्या अध्यक्षस्थानी माजी शिक्षक आमदार दिलीपराव सोनवणे होते. प्रमुख पाहुणे म्हणून आमदार स्मिताताई वाघ, आमदार अनिल पाटील उपस्थित होते. यावेळी निंभोरा येथील कृषिभूषण सुरेश पिरन पाटील यांना “प्रगतीशील किसान पुरस्कार ” मिळाल्याबद्दल त्यांचा विशेष सत्कार करण्यात आला.यावेळी विद्यालयाचे मुख्याध्यापक  पी. ए. पाटील यांनी शाळेत  चालणाऱ्या विविध उपक्रमांविषयी माहिती दिली.विद्यार्थ्यांनी आपले मनोगत व्यक्त केले. तसेच उपस्थित मान्यवरांनी विद्यार्थ्यांना मार्गदर्शन केले. कार्यक्रमाचे सूत्रसंचालन सूर्यवंशी मॅडम, डी. जी. पवार,आ. यू .पाटील  यांनी केले. स्कूल कमिटी चेअरमन मिलिंद सोनवणे यांनी आभार मानले. यावेळी सभापती रेखाताई पाटील,  स्कूल कमिटी चेअरमन जळोद संभाजी पाटील,  तसेच अमळगाव बीटचे केंद्रप्रमुख गोकुळ पाटील, गटविस्तार अधिकारी पी. डि.धनगर, ए.पी.आय वासुदेव देसले,मारवड बीटचे पि.आय राहुल फुला , सरपंच  छायाताई मोरे ,इंजि. गिरीश पाटील, मार्केट संचालक विजु अप्पा , निवृत्त प्रा. डी. डी. पाटील तसेच परिसरातील आजी माजी सरपंच, मुख्याध्यापक, पत्रकार ,ग्रामस्थ, बंधू भगिनी उपस्थित होते.