अमळनेर (प्रतिनिधी) शहरातील एलआयसी कॉलनी आणि आयोध्यानगर व बंगाली फाईल भागात आढळेले तीन साप सर्पमित्र कृष्णा पाटील आणि प्रत्युष शिरसाठ यांनी पकडून जंगलात सोडले.
याबाबत अधिक माहिती अशी की, शहरातील एलआयसी कॉलनी भागात अॅड. राजेंद्र परदेशी यांच्या घराजवळ मांडूळ जातीचा साप आढळून आला. त्यांनी ताबडतोब सर्पमित्र कृष्णा पाटील व प्रत्युष शिरसाठ याना बोलावले. त्यांनी त्याला पकडून चांदणी कुऱ्हेच्या जंगलात सोडले. तर अयोध्यानगर व बंगाली फाईल भागात गवत्या जातीचे नर आणि मादी असे दोन साप एकत्र आढळून आले. सर्प मित्रांनी त्यांनाही अलगद पकडून पिशवीत टाकून जंगलात सोडून दिले.