अमळनेर (प्रतिनिधी) फिरायला गेलेल्या महिलेच्या गळ्यातून अज्ञात चोरट्याने सोनसाखळी लांबवल्याची घटना २१ रोजी सायंकाळी सात वाजेच्या सुमारास शहरातील ढेकू रोडवर घडली. याप्रकरणी पोलिसात गुन्हा दाखल करण्यात आला आहे.
अमळनेर शहरात गेल्या काही दिवसांत चोऱ्यांचे प्रमाण वाढल्याने नागरिकांत भीती निर्माण झाली आहे. सुधाबाई ज्ञानेश्वर निकम या ढेकू रोडवर फिरायला गेल्या असता मोटरसायकलवर दोन अज्ञात चोरटे मागावून येऊन त्यांनी महिलेच्या गळ्यातील सोनसाखळी हिसकावून पसार झाले. महिलेच्या फिर्यादीवरून अमळनेर पोलीस स्टेशनला जबरी चोरीचा गुन्हा दाखल झाला असून तपास हेडकॉन्स्टेबल कैलास शिंदे करीत आहेत.
